"သီပေါမြို့  သီတဂူစက္ခုဒါနဆေးရုံတော်၏ ဆေးကုသမှု မှတ်တမ်း"
(၂၁) ကြိမ်မြောက်ဖွင့်လှစ်ကုသခြင်း
မျက်စိဆေးရုံကို ၂၀၀၇-နှစ်မှ စတင်ဆောက်လုပ်ခဲ့ပါသည်။
ဆေးရုံအဆောက်အဦကို သီပေါမြို့သူ/သားများ၏ အလှူဒါနဖြင့် ဆောက်လုပ်ပြီး မျက်စိခွဲစိတ်ကုသရန်
လိုအပ်သော စက်ကိရိယာများကို သီတဂူဆရာတော်မှ ဖြည့် ဆည်းလှူ ဒါန်းပေးပါသည်။
၂၀၀၈-ခုနှစ်
မတ်လတွင် သီတဂူဆရာတော်ကြီး ကိုယ်တော်တိုင်ကြွရောက် ဖွင့်လှစ်ပေးတော်မူ၍ မိမိ၏ အယုဒါနဆေးရုံ
ဝန်ထမ်းများ၊ အမေရိကန်မှ မျက်စိသမားတော်ကြီး ဦးစံအေး၊ ရန်ကုန်မှ မျက်စိပါမောက္ခ ဦးမြအောင်
တို့အဖွဲ့နှင့် စတင်ကုသပေးတော်မူခဲ့ပါသည်။
၁၃--၉-၂၀၁၁ နေ့ထိ ၁၈-ကြိမ်တိုင် စစ်ကိုင်း သီတဂူ အာယုဒါနဆေးရုံတော်မှ
ဦးဆောင်၍ ကုသပေးခဲ့ရာ မျက်စိဝေဒနာရှင်ပေါင်း (၉၆၄၆) ဦးကိုစမ်းသပ်ပေးပြီး (၁၈၉၀) ဦးကို
ခွဲစိတ်ကုသပေးခဲ့ပါသည်။
သီတဂူဆရာတော်ကြီးသည် တိုင်းနှင့်ပြည်နယ်အနှံ့ သီတဂူစက္ခုဒါနဆေးရုံကို
လှူဒါန်းခဲ့ရာ ယခုအချိန်ထိ မျက်စိဆေးရုံပေါင်း ၁၆-ရုံခန့် ရှိနေပြီဖြစ်ရာ ဆရာတော်ကြီး၏
အာယုဒါနဆေးရုံဝန်ထမ်းများ အလှည့်ကျ သွားရောက် ကုသပေးနေရပါသည်။ သီပေါ သီတဂူစက္ခုဒါနဆေးရုံသို့
တစ်နှစ်တွင်တခေါက် အလှည့်ရောက်ရန်မှာ မလွယ် ကူတော့ပါ။ သို့အတွက်ကြောင့် ၂၀၁၂-ခု မတ်လ
ဆရာတော်ကြီး၏ မွေးနေ့တွင် သီပေါ သီတဂူစက္ခုဒါနဆေးရုံတော် အဖွဲ့သားများမှ သီတဂူဆရာတော်ကြီးအား
ပူဇော်ကန်တော့ပြီး၍ မိမိတို့၏ အစီအစဉ်ဖြင့်ကုသခွင့်ကို ဆရာတော်ကြီး ထံ သြ၀ါဒခံယူကာ
၂၀၁၂-ခုနှစ် မတ်လ ၂၄-ရက်နေ့မှစတင်ပြီး (၁၉) ကြိမ်မြောက် မျက်စိကုသသည့် အစီအစဉ်ကို စတင်
ဖွင့်လှစ်ကုသခဲ့ပါသည်။
(၁၉)
ကြိမ် (၂၀) ကြိမ် တို့ကို သီပေါ သီတဂူစက္ခုဒါနဆေးရုံတော် အဖွဲ့သားများမှ ၃-လ လျှင်တစ်ကြိမ်
ဖွင့်လှစ်ကုသပေးခဲ့ပြီး ၂၀-၉-၂၀၁၂ ခုနေ့တွင် (၂၁)ကြိမ်မြောက် ဆေးရုံဖွင့်လှစ်ကုသခြင်း
အစီအစဉ်ကို စတင်ကုသ ပေးခဲ့ပါသည်။
၂၀-၉-၂၀၁၂ နေ့ နေ့လည်ပိုင်းမှစတင်၍ လူနာပေါင်း ၁၄၀-ခန့်ကို
စမ်းသပ်စစ်ဆေးပေးခဲ့ရာ ခွဲစိတ်ကုသရမည့် လူနာပေါင်း ၄၀-ခန့် ရရှိပါသည်။ ၂၁-ရက် နေ့တွင်
မျက်စိရောဂါ စမ်းသပ်စစ်ဆေးသည့် သမားတော်များက စစ်ဆေးပြီး ခွဲစိတ်ကုသသည့် သမားတော်များက
ခွဲစိတ်ကုသပေးခဲ့ကြပါသည်။
၂၀-၉-၂၀၁၂ နေ့မှ ၂၂-၉-၂၀၁၂ နေ့ထိ သုံးရက်တိုင် စမ်းသပ်ခွဲစိတ်ကုသပေးခဲ့ရာ
မျက်စိဝေဒနာရှင် (၄၇၉) ဦးကို စမ်းသပ်စစ်ဆေးပေးပြီး ဝေဒနာရှင်ပေါင်း (၉၄) ဦးကို အောင်မြင်စွာ
ခွဲစိတ်ကုသပေးနိုင်ခဲ့ပါသည်။
၂၂-၃-၂၀၀၈
နေ့မှ ၂၂-၉-၂၀၁၂ နေ့ထိ (၂၁) ကြိမ်တိုင်အောင် မျက်စိဆေးရုံတော်အား ဖွင့်လှစ်ကုသပေးခဲ့
ရာ မျက်စိဝေဒနာရှင် (၁၀၇၈၆) ဦးကို စမ်းသပ်စစ်ဆေးပေးပြီး (၂၁၂၄) ဦးကို ကုသိုလ်ဖြစ်
ခွဲစိတ်ကုသပေးနိုင်ခဲ့ပါ သည်။
သီတဂူဆရာတော် အရှင်ဉာဏိဿရ (P.hd
D.Litt) ၏ သြ၀ါဒအရ ၁-ကြိမ် မှ ၂၁-ကြိမ်တိုင် မျက်စိဝေဒနာ ရှင် (၂၁၂၄) ဦးကို အခမဲ့
ကုသိုလ်ယူကာ အလင်းဓါတ်ပေးနိုင်ခဲ့ကြပါသဖြင့် သီပေါ သီတဂူစက္ခုဒါနဆေးရုံတော် အဖွဲ့သားများမှ
ဝမ်းမြောက်ဝမ်းသာ ကြည်နူးစွာဖြင့် မှတ်တမ်းတင်အပ်ပါသည်။
သီတဂူသီပေါ။
0 comments:
Post a Comment